Regional Trial Court, nagalaom nga maipatuman na ang RA 11362 ukon pagpahanugot sa tawo nga magserbisyo sa komunidad kun makahimo sang minor offense

ILOILO CITY – Nagalaom ang Regional Trial Court nga mapatuman na ang Republic Act 11362 ukon ang pagpahanugot sa tawo nga magserbisyo sa komunidad kun nakahimo sang menor nga sala.

Sa interview sang Bombo Radyo kay Regional Trial Court Executive Judge Victor Gelvezon, iya ginpahayag nga dako ang mabulig sang RA 11362 agud nga indi maggutok ang mga presohan kag mangin mapuslanon pa ang tawo.

Suno kay Gelvezon, kinahanglan lamang nga makahimo sang public work ukon promotion sang public service ang isa ka tawo ilabi na subong nga madata ang dengue sa diin makabulig man sa pagpabilin katinlo sa lugar.

Dugang pa sang natungdan, sa tion nga makahimo sa liwat sang minor offense ang tawo, indi na ini mahimo nga magserbisyo sa komunidad sa baylo ini na ang ma preso.