Magatutok ang Kamara sa pag-ratify sa 2024 national budget kag pagpasar sang prayoridad nga mga hagna kadungan sang pagbalik sang regular sessions sang Kongreso epektibo subong nga Lunes, Nobyembre 6.
“The House is fully dedicated to the task at hand, ensuring that the national budget is ratified and enacted on time to guarantee the continuity of essential services, support economic growth, and promote the well-being of our citizens,” suno kay Speaker Ferdinand Martin Romualdez.
Photo: House of Representatives
Sabado sang ginpasa sang Kamara sa Senado ang House Bill No. 8980 nga amo ang nagaunod sang ginaduso sang Marcos Jr. administration nga P5.768-trillion nga national budget para sa 2024.
Nasuguran naman sang Senado ang deliberasyon sa ila bersyon sa 2024 budget kag ginalauman nga mapasar na ini subong nga bulan.
Pagkatapos, sa bicameral conference, kinahanglan nga isibo sang duha ka chambers ang tanan nga wala nagasanto nga probisyon sa amo nga hagna antes ini ipasa sa Malacañang agud mapirmahan sang presidente.
Sa bahin sang Kamara, may 11 pa ka priority bills nga ginalantaw nga maaprubahan antes ang Disyembre nga amo ang masunod:
1. Department of Water Resources and Services and Creation of Water Regulatory Commission
2. Tatak-Pinoy (Proudly Filipino) Act
3. Blue Economy Law
4. Amendments to the Electric Power Industry Reform Act (EPIRA)
5. Government Procurement Reform Act
6. Amendment of the Cooperative Code
7. Budget Reforms Modernization
8. National Defense Act
9. New Government Auditing Code
10. Philippine Defense Industry Development Act
11. Motor Vehicle User’s Charge/Road User’s Tax
Tubtub sa Disyembre 15 ang regular sessions sang Kongreso kag may yara naman sang patigayunon nga Christmas break. #
