Unanimously approved na ang regulation ordinance nga naga-restrict sa hulag sang unvaccinated nga mga residente sa Iloilo City.
Ini ang may tig-ulo nga “An Ordinance Imposing Enhanced Restrictions to Regulate the Mobility of Unvaccinated Individuals During Alert Level 3 or Higher Classification, Imposing Penalties for Violation Thereof.”
Ang pila ka mga probisyon sa amo nga proposed regulation ordinance nagalakip sang masunod:
Para sa restrictions sa Non-Fully Vaccinated Individuals…
1.Dapat magtinir sa sulod sang balay magluwas lang kun may baklon nga essential goods kag services kaangay sang, apang indi limitado sa mga masunod- pagkaon, bulong, medical devices, public utilities,medical and dental necessities;Apang sa kondisyon nga ang indibidwal ang dapat yara lang sa general area sang ila residence ukon sa sulod sang ila purok, subdivision, ukon village; Sa kondisyon nga sa pag-access sang essential goods, ang non-fully vaccinated nga tawo ang dapat mag-present sang negative RT-PCR test result within the last 72 hours.
2.Dumilian sa indoor ukon outdoor dining sa restaurants kag iban nga food establishments kag dumilian man gikan sa leisure ukon social trips sa malls, hotels, event venues,sports and country clubs ukon kaangay nga facilities.
3.Nakadepende naman sa private establishments nga naga-offer sang essential goods and services kun mag-refuse sang entry sang Non-Fully Vaccinated nga indibidwal bilang kabahin sang ila business prerogative.
4.Ang Persons Ineligible for Vaccination ang mahimo pasugtan nga makasulod sa establishments apang sa kondisyon nga ang ila ineligibility ang duly certified sang ila respective pastor/priest ukon District medical officer.
***DUGANG NGA PROBISYON
Sa bahin naman sang Mandatory presentation sang vaccination cards nga may personal ID sa tanan nga establishments sa Iloilo City:
1.Ang tanan nga tawo nga nagaistar kag nagalibot sa syudad ang ginamanduan nga magpakita sang LGU-issued COVID-19 vaccination cards ukon DOH -issued vaccine certificate ukon certificate of Ineligibility upon inspection.
2.Ang establishments nga naga-offer sang essential services and goods nga nahamtang sa sulod sang malls ang ginamanduan nga mag-require sang presentation sang vaccination cards para sa fully- vaccinated individuals, negative RT-PCR test result para sa non-fully vaccinated,kag certificate of Ineligibility para sa tawo nga Ineligible para sa Vaccination.
- Ang mga establishments nga naga-offer sang goods and services nga unessential ang ginamanduan nga mag-assign sang workers nga mag-check sang nasambit nga documentary cards/ certificates kag may upod nga valid i.d. sang tanan nga nagasulod agud masiguro ang compliance sa proposed ordinance.
4.Ang individual establishments sa sulod sang malls kag iban nga kaangay nga business communities kangay sang boutiques, restaurants kag cafes ang dapat mag-comply sa amo nga mga pagsulundan.
5.Para sa al fresco venues nga wala sang entry kag exit points, magadepende sa establishment ang pag-check sang vaccine cards/ certificates of Ineligibility nga may valid i.d.
***PENALTIES
Yari naman ang penalties sa violators:
Ang indibidwal nga makit-an nga nagalapas ang dagdagan sang masunod nga penalidad:
1.P500 para sa first offense kag/ukon 4 hours sang community service
2.P1,000 para sa second offense kag/ukon 8 hours sang community service
3.P3,000 kag/ukon 24 hours sang community service kag sa masunod pa nga violation
