Lapuz, Iloilo City – Patigayunon sa Marso 17 ang public consultative meeting nahanungod sa pag-rehabilitate sang Budburan Creek sa Lapuz, Iloilo City.
Sa interview sang Bombo Radyo kay Punong Barangay Efren Cenayo sang Barangay Don Esteban, Lapuz, Iloilo City, iya ginpahayag nga ang pag-rehabilitate sang creek ang mangin solusyon sang pagbinaha sa amo nga lugar.
Suno kay Cenayo, suguran subong nga tuig ang pagpatukod sang amo nga proyekto kun sa diin ginpang-relocate ang mga residente nga malapit sa creek agud maghatag ligwa sa rehabilitasyon.
Nahibaluan nga sa 75 ka mga household, 46 ang nahatagan na sang relocation sites.
Matandaan nga ginatudlo sang pila ka pumuluyo nga rason sang pagbaha ang nagkipot nga alagyan sang tubig sa Budburan creek kun sa diin, indi makalusot ang tubig.
