Naka-schedule subong nga adlaw, Mayo 5, ang motorcade nga pakigbahinan ni Miss Universe 2023 Sheynnis Palacios diri sa Pilipinas.
Suno sa Miss Universe Philippines Organization, balantayan ini sa Mall of Asia complex sa Pasay City 5:00 karon sa hapon.
“Philippines! Let’s show Miss Universe 2023 SHEYNISS PALACIOS, and the Universe, the warm welcome Filipinos are famous for! Join us in a grand WELCOME MOTORCADE for our reigning Queen!,” pahayag sang organisasyon.
Mayo 1 sang nag-abot ang Nicaraguan beauty queen sa Pilipinas halin sa iya pagbisita sa Thailand. Lakip ini sa iya nga Asian Tour kun sa diin una na ini nga nakakadto sa Laos, Cambodia, kag China.
Siya ang ikatlo nga reigning Miss Universe titleholder nga nagbisita sa Pilipinas kasunod kay 2021 queen Harnaaz Sandhu kag 2022 winner R’Bonney Gabriel.
Magaupod man si Palacios sa iban nga aktibidad sa Miss Universe Phiippines antes ini magbiya sa pungsod sa Mayo 7.
