Opisyal na nga gin-anunsyo ang pagbisita ni reigning Miss Universe Sheynnis Palacios sa Pilipinas bilang kabahin sang iya nga Asian tour.
“We are thrilled to announce our visit to Philippines. A land of breathtaking landscape, rich culture and friendly faces. Where every corner tells a story of resilience and beauty,” pahayag sang organisasyon.
Naka-schedule ang tour ni Palacios sa Mayo 1-6.
Antes sini, nakabisita man ang Nicaraguan beauty queen sa iban pa nga Asian countries kaangay sa Thailand, Laos, Cambodia, kag China.
Matandaan nga may iban man nga Miss Universe titleholders nga nagbisita sa Pilipinas kaangay kanday Harnaaz Sandhu sang India nga isa ka judge sa Miss Universe Philippines 2022 Competition.
Si Miss Universe 2019 Zozibini Tunzi ang nangin isa man ka special host sa Miss Universe Philippines 2023.
Sang nagligad nga tuig, si Miss Universe R’Bonney Gabriel ang nakakadto man sa Pilipinas para sa official appearances lakip sa Miss Universe Philippines coronation night.
Siya man ang mangin host sa finals sa Mayo 22 sa SM Mall of Asia Arena sa Pasay City on May 22.
Ang winner subong nga tuig ang magatiglawas ang Pilipinas sa 73rd edition sang Miss Universe Competition sa Mexico.#
