Magaabot si Miss Universe 2024 Victoria Kjaer Theilvig sa Pilipinas subong nga adlaw kag natalana nga magtinir sa pungsod tubtub sa Marso 30.
Gin-anunsyo ini sang Miss Universe organization apang wala pa sang ginhatag nga dugang nga mga detalye kun ano ang mga aktibidad sini kag kun diin siya magabisita diri sa Pilipinas.
Tumandok siya sang Denmark kag amo ang nakakuha sang korona sang 73rd edition sang pageant nga ginpatigayon sa Mexico. Siya ang first ever Miss Universe titleholder halin sa Denmark.
Matabo ang iya pagbisita samtang masako man ang preparasyon sang masobra 60 ka mga kandidata para sa Miss Universe Philippines nga ang koronasyon hiwaton sa Mayo 2.
