ILOILO CITY – Madugay na nga nakapasa sang sulat ang mga presidente sang Market Vendors Association sa syudad sang Iloilo sa pamunu-an sang Iloilo Fish Port Complex agud nga masolbar ang ginaproblema sang mga fish vendor sa merkado.
Sa interview sang Bombo Radyo kay Charice Panungon, fish vendor sa Iloilo Terminal Market, iya ginpahayag nga sa iya pagkahibalo, sang nakaligad pa nga tuig nakapadala sang sulat ang tagsa ka presidente sang Market Vendors Association apang tubtub subong, wala sa gihapon sang aktu ang pamunu-an sang Iloilo Fish Port Complex.
Suno kay Panungon, makabig nga bagsakan ang Iloilo Fish Port Complex kun sa diin mahimo nga makabakal sang isda sa mas barato nga presyo kag wala sang malain kun may yara sang retail nga nagakatabo apang ang negatibo nga epekto sini amo nga nagakaputo ang mga fish vendor sa merkado.
Kun sadto suno sa natungdan, kaagahon pa lang, madamu na sang manugbakal sa merkado apang subong, pigado ang baligyaanay bangud nga nagadagsa ang manugbakal sa bagsakan sang isda.
Magluwas diri, problema man nila nga mga fish vendor amo ang mga nagadamu nga talipapa sa syudad sang Iloilo.
