ILOILO CITY – Wala nagasantu ang rekord sang Jaro Police Station kag Iloilo City Police Office may kaangtanan sa numero sang mga biktima sang riding-in-tandem sa Jaro, Iloilo City.
Sa rekord sang Iloilo City Police Office, nagdangat sa walo ang na biktima sang riding-in-tandem suspects.
Sa interview sang Bombo Radyo kay Pol. Capt. Eduardo Siacon Jr., hepe sang Jaro Police Station, iya ginpahayag nga pito lamang ang mga biktima sang riding in tandem suspects lakip ang tatlo nga may kaangtanan sa iligal nga droga, isa sa illegal gambling kag tatlo ang wala mahibaluan ang rason.
Suno kay Siacon, sa pito ka mga biktima, anom ka mga kaso ang padayon pa nga gina-imbestigahan samtang isa ang napasakaan na sang kaso.
Gin-ako man sang hepe nga nabudlayan sila nga mahibaluan ang mga riding in tandem suspects bangud naka helmet ang mga ini.
