ILOILO CITY – Magapadayon tubtub sa Enero 1, 2020 ang rekorida sang Bureau of Fire Protection bilang kabahin sang kampanya agud nga malikawan ang sunog may kaangtanan sa pagsaulog sang bag-ong tuig.
Sa interview sang Bombo Radyo kay Fire Chief Inspector Christopher Regencia, City Fire Marshall, iya ginpahayag nga naka red alert ang bug-os nga hanay sang Bureau of Fire Protetction humalin sang Disyembre 27.
Suno kay Regencia, naka stand by ang tanan nga fire station sa bug-os nga syudad sang Iloilo bilang pahgpanghanda sa emerhensya.
Agud nga malikawan ang sunog, ginpahayag ni Regencia nga kinahanglan nga patyon ang mga christmas lights kag iban pa nga appliances kun indi man lang kinahanglanon.
Kun magbakal sang christmas lights kag iban pa nga electrical decorations, kinahanglan nga lantawon kun may yara ini sang Philippine Standard mark agud masigurado ang kalidad sini.
