ILOILO CITY – Naangot kay Birhen Maria ang perdon kag iban pa nga memorabilya nga ginabaligya kadungan sang fiesta ni Nuestra Señora dela Candelaria.
Sa Good Morning Philippines program, ginpahayag ni Rev. Fr. Angelo Colada, Director sang Social Communication sang Archdiocese of Jaro, nga ang mga perdon ang indi kasubong sang kinaandan nga kandila nga ginagamit sa pang adlaw-adlaw.
Suno kay Colada, ang perdon nga ginabaligya sa Jaro Metropolitan Cathedral ang ginahimu sa St. Vincent Ferrer Seminary kag makabig nga local product sang syudad sang Iloilo.
Ginpahayag ni Colada nga subong nga tuig, duag orange ang perdon apang wala man ini sang madalum nga kahulugan apang ginabaligya ini pila ka adlaw antes ang Jaro Fiesta agud nga indi makopya sang iban nga negosyante.
Ang perdon suno sa natungdan ang maid-id nga ginhimu sang local manufacturer nga gina-updan sang himpit nga pagtuo sa Ginuo.
