Nagdangat sa 34.8 billion dollars ukon P1.7 trillion ang personal remittances sang Overseas Filipinos sa bilog nga 2021.
Suno sa Bangko Sentral ng Pilipinas (BSP), all-time high ini nga rekord kun ipaanggid sa pre-pandemic figure nga $33.4 billion sang 2019.
Ang nasambit nga kantidad ang may katumbas nga 8.9% nga Gross Domestic Product (GDP).
Pahayag sang BSP, ang pagbukas liwat sang ekonomiya sang madamo nga pungsod sang nagligad nga tuig kag ang liwat nga pagsanyog sang OFW deployment kag dako nga demand sa Filipino workers ang rason sang pagsaka sang personal remittance figures.
