Nagpaandam si Interior Secretary Jonvic Remulla nga mahimo i-suspend ukon mapasakaan sang kaso-administratibo ang mga pulitiko nga padayon nga magagamit sang programa sang gobyerno para sa ila nga personal nga interes.
Suno sa tiglikom, kabahin ini sang implementasyon sang “anti-epal” provision sa General Appropriations Act (GAA).
“We have administrative cases that we can file against them — anything from suspension to preventive suspension… we have many, all of them are administrative cases that can be filed against them, not criminal,” suno sa opisyal sa ginpatigayon nga Palace briefing.
Nagapati man si Remulla nga tion na nga magbalay sang layi nga makahatag sang ngipon sa “anti-epal” campaign.
“Yes, I believe so. They should do it because right now your anti-epal campaign was only born out of the frustration of the people in the last 15 years. So, we don’t have a codified conduct for that anti-epal campaign. And it will be a great help if the national legislature made steps to really ban that,” suno sa tiglikom.
Nagpanawagan man ang DILG nga magkuha sang picture ukon videos, kag mag-report gilayon kun may mga pulitiko nga nagapa-epal. Ginalantaw man subong sang ahensya ang pagtukod sang portal nga kaangay sa Sumbong sa Pangulo website agud mas madasig nga makapanugid ang publiko.
Sa bahin sang Department of Social Welfare and Development (DSWD), una naman nagpasalig ang ahensya nga mangin istrikto sila sa pagdumili sa mga pulitiko sa pagpartisipar sa pagpanagtag sang ayuda nga iya sang gobyerno. Indi man pagpakadtuon ang DSWD social workers sa distribution sites kun didto ang mga pulitiko.#
