ILOILO – Ginpakigbahin sang renowned Ilonggo designer nga si Tata Blas Pinuela ang inspirasyon sa likod sang national costume kag eco dress nga gingamit ni Miss Eco International 2025 Alexie Mae Caimoso Brooks.
Nakuha sang Ilongga queen ang Best in National Costume award sa Mangayon costume sini nga himo sang Ilonggo designer nga si Tata Blas Pinuela nga amo man anay ang naghimo sang Ugto-ugto costume sa MUPH 2024.
Sa interview sang Bombo Radyo kay Pinuela, iya ginpahayag nga dungan sini nga ginhimo ang national costume kag eco dress ni Alexie sa diin naglawig sang tatlo ka bulan ang pagplano kag duha ka semana naman ang paghimo kag pagtahi.
Suno kay Pinuela, ang inspirasyon sini sa paghimo sang Mangayon costume amo ang ginluthang nga Philippine Eagle sa Barangay Mangayon, Compostela Valley, Davao de Oro.
Nagabug-at naman ang national costume ni Alexie sang 16 kilograms.
Samtang ang iya naman nga eco dress sa diin Top 6 ini ang ginbase naman sa West Philippine Sea.
Ini ang himo naman sa recyclable materials kaangay sang disposable spoon kag plastic bottles.
Ginpabugal naman ni Pinuela ang kadalag-an nga gindala ni Alexie sa Pilipinas.
