Kumpiyansa si Manila Rep. Bienvenido Abante nga makakuha sang husto nga boto ang House of Representatives agud mapadala sa Senado ang impeachment complaint batok kay Vice President Sara Duterte, bisan pa may mga bag-o nga petisyon batok sa iya.
Suno kay Abante, indi kinahanglan sang dako nga boto kay husto na ang one-third (1/3) sang mga miyembro sang Kamara para mapasar ang kaso kag masuguran ang impeachment trial sa Senado.
Sa karon, apat na nga impeachment complaints ang na-file batok kay Duterte.
Isa na diri ang ika-apat nga gin-file ni Atty. Nathaniel Cabrera kag ginsuportahan nanday Deputy Speaker Paolo Ortega V kag Abante, nga may kaangtanan sa pagpahog ni Duterte sa kabuhi ni President Marcos, misuse of confidential funds, kag iban pa.
Matandaan nga na-impeach na si Duterte sang Kamara sang Pebrero 5, 2025, apang wala ini nagpadayon sa Senado kag ginbasura sang Korte Suprema.
