Nagapanawagan si ACT Teachers Party-list Representative Antonio Tinio sang madalom nga imbestigasyon sa natabo nga engkwentro sa Toboso, Negros Occidental nga nagbilin sang 19 ka mga patay.
Suno kay Tinio, indi mapatihan ang ginpaguwa nga pahayag sang Armed Forces of the Philippines (AFP) nga nagasiling nga mga miyembro sang New People’s Army (NPA) ang mga napatay sa insidente.
Suno pa sa iya nga kinahanglan pa usisa-on sang maayo ang natabo sa engkwentro.
Ginapahayag man sini nga may nagagwa subong ang impormasyon nga indi tanan nga napatay ang mga NPA, kag kinahanglan klarohon ang identity sang mga indibidwal nga nadalahig sa engkwentro.
Suno pa sa kongresista, bisan may yara pa sang armado nga engkwentro, kinahanglan nga respetuhon ang Humanitarian Law, ilabi na nga likawan ang pag-patyanay.
Ginpahanumdom man niya nga kinahanglan may responsable nga mag-atubang kag magsabat sa natabo.
Nahibaluan nga gin-umpisahan na sang Commission on Human Rights ang independent investigation sa insidente.
Ginkumpirma man sang Commission on Human Rights nga nagakoordinar na sila sa civil society organizations, local authorities, kag security forces agud makompleto ang imbestigasyon kag mapatuman ang patas nga pag-usisa sa natabo nga insidente.
