ILOILO CITY – Wala sang nakita nga rason si Iloilo City Lone District Rep. Julienne Jamjam Baronda agud ideklarar si Iloilo City District Engineering Office officer-in-charge Engr. Roy Pacanan bilang persona non grata.
Sa interview sang Bombo Radyo kay Baronda, iya ginpahayag nga kun ang pumuluyo ang pahambalon, wala sang anuman nga basehan ang pagtumod kay Pacanan nga indi welcome sa syudad.
Suno kay Baronda, wala sila naka-istorya si Pacanan matapos nakigkita ini kay Iloilo City Mayor Jerry Treñas bangud sa masako nga schedule.
Ang importante sa subong suno sa mamalidha amo nga matapos sang Iloilo City District Engineering Office ang tanan nga mga kinahanglanon nga dokumento agud ma-resume ang mga proyekto nga ginpa-untat sang Iloilo City Government.
