Nagapati si House prosecutor Joel Chua nga magapabilin nga patas sa Impeachment trial ni Vice President Sara Duterte ang mga senator-judges base sa ila ginsumpaan sa senate impeachment court.
Kasunod ini sang mga pahayag nga daw kaangay nga nagaserbe nga abogado sang bise presidente ang pila ka sa mga senador sa trial.
Suno kay Chua, posible nga iba ang ginapakita sang mga ini sa impeachment proceedings, apang posible man nga baliskad ukon iba ang mangin boto sang mga ini sa ulihi, rason nga indi dapat anay ang mga ini paghusgaran.
Madumduman nga isa sa mga nakabatun sang kritisismo halin sa publiko amo si Senator-Judge Pia Cayetano nga nagapangatubang sang ethics complaint bangud sa ginpost sini nga spliced video ni House prosecutor Chel Diokno nga daw kaangay nga gin-ako sini nga wala sang ebidensya ang House prosecutors agud ipadayon ang kaso batok kay Duterte.
Nagapati si Chua nga dapat gid nga imbestigaran sang Senate Ethics Committee ang nangin aktwasyon ni Cayetano, ilabi na nga isa ini sa may posisyon sa impeachment trial.
