ILOILO – Magahatag sang P5,000 ang opisina ni Iloilo 2nd District Representative Mike Gorriceta sa 103 ka tag-iya sang mga stall nga nasunog sa Leon Public Market.
Sa interview sang Bombo Radyo kay Iloilo 2nd District Representative Mike Gorriceta, iya ginpahayag nga igahatag ang pondo paagi sa Department of Social Welfare and Development.
Magluwas diri, nakahatag naman ang mamalidha sang 20 cases sang assorted canned goods kag 15 ka carton sang noodles sa mga apektado nga mga market vendors.
Sa subong suno kay Cong. Gorriceta, ginahulat pa niya ang damage assessment report sang Leon local government unit sa pagpanguna ni Mayor Ma. Lina Holipas.
Kun mag-abot na ang amo nga report suno sa natungdan, mahimo nga madugangan pa ang ayuda ukon assistance nga igahatag sa mga apektado sang daku nga sunog nga natabo sang Sabado sang hapon.
