Iloilo City – Natalana nga ihatag ni loilo City Lone District Representative Julienne “Jamjam” Baronda ang ang reward money nga P100,000 sa Iloilo City Police Office matapos ang nadakpan ang isa sa mga suspek sa robbery hold-up sa J&T Express sa Barangay Quintin Salas, Jaro, Iloilo City.
Sa interview sang Bombo Radyo kay Baronda, iya ginpahayag nga ang nasambit nga cash reward ang una niya nga gintanyag sa makatudlo ukon makadakop sa mga suspek nga naghold-up sa courier company.
Suno kay Baronda, ihatag niya ang reward money kay Iloilo City Police Officer-in Charge Police Colonel Joeresty Coronica.
Matandaan nga napasakaan na sang kaso ang tatlo ka mga suspek nga ginatudlo nagpangamot sa insidente.
Ini amo sanday John Mark Lebuna sang Barangay San Isidro, Jaro, Iloilo City nga amo ang una nga naaresto kag ang mga at-large nga sanday Marlon Edemburgo Jr. sang Benedicto, Jaro, Iloilo City kag isa ka John Doe.
