ILOILO CITY – Halos kumpleto na ang maga-upod sa lineup ni Rep. Jerry Treñas para sa 2019 local elections.
Santu sa mga sources, pito ka mga incumbent nga konsehal ang maga-upod sa ticket ni Treñas bilang alkalde.
Ini ang ginalakipan nanday Councilors Eduardo Peñaredondo, Leizel Zulueta-Salazar, Ely Estante, Candice Tupas, Jay Treñas, Mandrei Malabor kag Love Baronda.
Matunog man ang pangalan nga magaupod sa councilor slate ni Treñas sanday ABC president Reyland Hervias, PSTMO head Jeck Conlu, anay PESO head Allan Zaldivar, bata ni Vice Mayor Jeffrey Ganzon nga si Rodolf Ganzon, kag Atty. Sedfrey Cabaluna.
Una na ginpahayag sang mamalidha nga magaupod man sa iya si Vice Mayor Jeffrey Ganzon kag i-anunsiyo lang sa nagakaigo nga ti-on ang iya mangin congressman.
Samtang sa bahin ni Mayor Jose Espinosa III, may mga pangalan man nga ginapahayag magaupod sa alkalde apang indi pa matumod kun ano nga posisyon ang padalaganan.
Ini ang ginalakipan nanday anay City Councilor Rolando Dabao, Atty. Dan Cartagena, anay Konsehal Lyndon Acap kag Rodel Fullon Agado kag konsehal Joshua Alim.
Nagaguwa man ang pangalan nanday Dr. Pacita Gonzalez kag bata nga si Dr. Marigold, apang indi pa matumod kun sin-o sa ila nga duha ang magapadalagan.
Apisar indi na magpadalagan ginapahayag nga magasuporta naman kay Espinosa si Konsehal Plaridel Nava.