𝗜𝗟𝗢𝗜𝗟𝗢 𝗖𝗜𝗧𝗬 —Ginaduso ni Cavite 2nd District Representative Lani Mercado nga i-update sang National Economic Development Authority (NEDA) ang ila ginpresentar nga “P64 for three meals a day” sa Senate panel kaangot sa finance’s hearing sa gina-propose nga 2025 national budget.
Sa interview sang Bombo Radyo kay Representative Mercado, iya ginpahayag nga nagapati ini nga kinahanglan na nga i-update sang ahensya ang ila nga datus bangud daan kag tuman ini ka gamay para sa isa ka Filipino.
Suno kay Mercado, kinahanglan nga lab-oton ang ahensya agud nga mahatagan sang nagakaigo nga datus ang mga Filipino nga nagasanto sa matuod-tuod nga presyo sang mga nagapanguna nga kinahanglanon sa matag-adlaw nga pagpangbuhi.
Ginpahayag man sang natungdan nga kinahanglan man nga ikonsiderar ang pangkalibutanon nga problema, kaangay na lamang sang gyera sa Gaza, poverty threshold kag inflation sa Pilipinas.
Handa naman si Mercado nga istoryahon ang National Economic Development Authority kag Departement of Trade and Industry (DTI) kaupod si Senator Bong Revilla agud maplastar ang insakto ang data sa publiko.
Kun balikan, sa hearing sang Senate panel on finance sa ginaproponer nga 2025 national budget sang Martes, ginpamangkot ni Sen. Nancy Binay ang chief sang NEDA nga si Arsenio Balisacan kon paano gina-classify sang pungsod ang mga Pilipino nga imol sa pagkaon.
Ginpamangkot ni Binay kon ang P64 nagasakop sang tatlo ka pagkaon kada adlaw, kon sa diin, si Balisacan nagsabat nga: “Huo.”
