Nagpanawagan si Batangas 1st District Rep. Leandro Leviste sa Anti-Money Laundering Council (AMLC) nga usisaon ang mga pinansyal nga transaksyon sang mga proponent kag mga kontratista nga may kaangtanan sa mga “intriguing” nga tag sa ginatawag nga Cabral files sang 2025 DPWH budget.
Suno sa iya, sarang magamit ang mga rekord sang AMLC agud mahibaluan kun may koneksyon ang mga proponent kag ang mga nagdala-og nga bidder sa mga kuwestiyonable nga proyekto.
Ginbuksan ni Leviste nga ang Cabral files nga nagabalor sang bilyon-bilyon nga pondo lakip na ang P401 bilyon nga allocable funds kag iban pa nga pondo nga may nagkalain-lain nga coded nga tag.
Apisar nagsiling siya nga wala siya sang nakita nga klaro nga anomalya, ginpahayag niya ang iya kabalaka nga sobra sa P500 bilyon nga balor sang mga proyekto ang may klaro nga ginatudlo nga mga proponent.
Ginpunto man sini ang pagtipon sang mga proponent nga nagabukas sang palamangkutanon kun paano ginatugyan kag ginpili ang mga proyekto.
Ginpanindugan sini nga indi matuod ang mga alegasyon nga gin-manipula ang Cabral files kag ang mga personal nga akusasyon batok sa iya.
Nagpanawagan man si Leviste sa DPWH nga ihatag ang tanan nga may kaangtanan nga mga dokumento sa Ombudsman agud mangin insakto kag husto ang imbestigasyon kag mapasabat ang mga may sala.
