Nagpangayo sang permiso sa Kamara si Batangas 1st District Rep. Leandro Leviste nga makabyahe ini sa masobra 20 ka mga pungsod sa sulod sang lima ka bulan.
Suno kay Leviste, napasa na ini nga pangabay paagi sa iya iloy nga si Sen. Loren Legarda.
Ginapahayag nga may nagpangabay sa senadora nga hingyuon sa kongresista nga indi na magpagwa sang ebidensya nga naangot sa mga opisyal sang gobyerno sa anomalya sa DPWH projects.
Nagwa ini nga isyu sang ginpamangkot si Leviste kun matuod nga naghingyo ini sang clearance nga makabiyahe sa pila ka pungsod umpisa Pebrero 8 tubtob Hulyo 26, 2026.
Kadungan man ini sang isyu nga may kahilabtanan sa isa ka solar company nga iya gintukod.
Magasugod ang House Committee on Legislative Franchises sa masunod nga semana sang motu proprio inquiry sa nasambit nga mga isyu.
