Gindepensahan ni House lead Prosecutor kag Batangas Rep. Gerville Luistro ang nangin desisyon sang prosekusyon nga ipresentar ang records sang mga armas nga ginapanag-iyahan ni Vice President Sara Duterte kag sang bana sini nga si Atty. Mans Carpio.
Suno sa iya, importante nga nakabutang sa Statement of Assets, Liabilities and Net Worth (SALN) ang mga armas sang isa ka public official bangud kabahin ini sang ginapanag-iyahan nila nga propedad.
Ini ang panindugan ni Luistro kasunod sang pagkwestyon sang pila ka mga senator-judges may kaangtanan sa “relevance” sang mga armas ni Duterte sa Article II ukon Unexplained Wealth kag kasunod man sang pagtestigo ni Police Maj. Joe Rickson Sangalang sang PNP Firearms and Explosives Office (FEO) sa ika-30 nga adlaw sang impeachment trial.
Madumduman nga ginpresentar ni House prosecutor kag San Juan City Rep. Ysabel Maria Zamora sa impeachment trial ang Seksyon 34 sang 2025 guidelines sa mga deklarasyon sang SALN agud suportaran ang nangin posisyon sang prosekusyon.
