Nagapati si 1-Tahanan Partylist Rep. Nathaniel Oducado nga temporaryo lang nga solusyon ang fuel subsidy sang gobyerno kag ang pagduso nga mapasar ang pagsuspend sang excise tax.
Sa interview sang Bombo Radyo kay Congressman Oducado, iya ginpahayag nga dako gid ang epekto sang gyera sa Middle East sa mga produktong petrolyo kun sa diin ang Pilipinas amo ang isa ka import laden country ukon dependent sa mga oil products sang iban nga pungsod.
Suno sa kongresista, kinahanglan nga may ara gid sang mas mayo nga mapinsaran nga solusyon ang gobyerno agud indi na mabudlayan ang mga Pilipino kun magalawig pa ang gyera sa Middle East.
Dugang pa niya nga luyag man niya mahibal-an kun ano ang stratehiya sang pungsod subong nga padayun ang tension sa Middle East nga nagapanguna nga source sang produktong petrolyo.
