ILOILO – Partial nga nagbukas sa publiko ang Rep. Pedro G. Trono Memorial Hospital sa Guimbal, Iloilo.
Ini matapos nagpositibo ang 41 out of 276 tanan ka mga medical personnel, santo sa pinakaulihi nga data nga ginpaguwa.
Ang mga nasambit nga medical personnel nga lunsay napositibo ang ginabug-usan sang mga doktor, nurses, nursing aides kag iban pa nga staff.
Sa interview sang Bombo Radyo kay Dr. Cynthia Cabangal Ng, head sang Hospital Management Office sang Iloilo Provincial Government, iya ginpahayag nga indi tanan nga bahin sang ospital ang available para sa publiko.
Suno kay Dr. Ng, indi pa pagpahanugutan sa publiko ang pagpa-admit sa ospital lakip bangud sa kakulang sang medical personnel.
Ginpahayag ni Dr. Ng nga ginarefer ang mga pumuluyo nga luyag magpa-admit sa iban nga district hospitals.
Sa subong suno sa natungdan, padayon nga ginabulong ang mga nagpositibo nga medical staff kag personnel kag indi pagpahanugutan nga magbalik sa trabaho kun indi magnegatibo sa COVID-19.
