ILOILO CITY- Ginkumpirma ni Iloilo 5th District Rep. Raul Boboy Tupas ang iya interes nga magpadalagan sa posisyon nga vice governor sa 2025 midterm elections.
Sa interview sang Bombo Radyo kay Tupas, iya ginpahayag nga ini nga desisyon ang resulta sang pagpakighinun-anon sa mga pumuluyo kag mga lideres sa probinsya ilabi na sa pagtulod man sang iya pamilya.
Suno kay Tupas, sa subong, 90% na nga bug-os ang iya desisyon kag ang nabilin ang ginatugyan na lang niya sa Diyos.
Pahayag niya, sa subong, ginahulat niya si Governor Arthur Defensor Jr. sa posible pagsugilanon nila ilabi na nga nagahilapit na ang filing sang certificate of candidacy.
Matandaan nga nakapungko na sadto si Tupas bilang vice-governor sang 2013 tubtob 2016.
Si Tupas ang myembro sang Nacionalista Party.
