Dismayado si Cagayan de Oro 2nd District Rep. Rofus Rodriguez sa nangin sabat ni VP Sara Duterte sa iya impeachment complaint.
Ini matapos nga gindeklarar sang House Committee on Justice nga “sufficient in grounds” ukon may bastante nga basehan ang duha ka impeachment complaints batok kay Vice President Sara Duterte.
Ginhalimbawa ni Rep. Rodriguez ang wala pagsabat sang kampo ni VP Sara sa mga grounds batok sa duha ka reklamo nga ginpasaka sa iya, apisar nga klaro nga dapat hatagan ini sang atensyon.
Suno sa mamalidha, may yara sang anum ka grounds sa ikatlo nga complaint kag lima naman ka grounds sa ikaapat nga reklamo.
Gindugang pa ni Rodriguez nga dapat kuntani, isa-isa nga ginsabat sang kampo ni VP Sara ang nasambit nga mga grounds, apang sang ginbasa na sini ang reply, nakibot na lang ini bangud wala sang nagakaigo nga sabat ang Bise Presidente sa mga alegasyon.
Nahibaluan nga ang mga impeachment complaints batok kay VP Sara Duterte nagikan sa alegasyon sang betrayal of public trust, culpable violation of the Constitution, kag iban pa.
