Gin-athag sang Presidential son kag House Majority Leader Rep. Sandro Marcos nga indi pagpunggan sang House of Representatives ang anuman nga impeachment complaint batok sa iya amay nga si Presidente Ferdinand “Bongbong” Marcos Jr.
Ginpahayag niya nga obligasyon sang Kamara suno sa Konstitusyon nga hatagan sang nagakaigo nga proseso ang bisan ano nga impeachment complaint batok sa sin-o man nga impeachable official.
Ini matapos magsumiter sang impeachment complaint ang abogado nga si Andre de Jesus batok sa Presidente, nga nagalakip sang alegasyon nga nag-guba sa pagsalig sang publiko.
Nahibaluan nga duwa pa ka iban nga grupo ang nag-file man sang dugang nga reklamo sa Presidente, apang wala ini ginbaton sang House Secretary General bangud wala ini sa Pilipinas subong.
Suno naman kay House Committee on Justice chairperson Gerville Luistro nga magapadayon ang impeachment proceedings bisan pa plano sang mga nagreklamo nga magpangayo bulig sa Korte Suprema.
Gintinguhaan sang mga lider sang Kamara sa publiko nga ang pagbaton sang tanan nga impeachment complaints makabulig sa pagpadayon sang transparency kag pagsalig sang pumuluyo sa proseso.
