Kuhaon bilang mga resource persons sanday House Majority Leader kag Ilocos Norte 1st District Representative Sandro Marcos kag Davao City 1st District Representative Paolo Duterte nga maga-atubang sa Independent Commission on Infrastructure (ICI) sa nagapadayon nga imbestigasyon sa kontrobersiyal nga flood control infrastructure.
Magluwas kay Marcos kag Duterte paga-imbitaron man ang iban pa nga mga mamalidha nga mangin resource person nga sanday Laguna 4th District Rep. Benjamin Agarao Jr., Bulacan 1st District Rep. Danilo Domingo kag Benguet Lone District Rep. Eric Yap
Una na ginpahayag sang ICI nga handa na ini mag-livestream sang ila ngahearing parte sa anomaliya sa flood control kag nagahulat na lang sang resource person nga magapasugot nga i-livestream ang ila testimonya.
Ini matapos ang alegasyon nga ginpngbu-an ni anay Ako Bicol Party-list Rep. Zaldy Co nga ang mga Marcos amo ang nagmando sang mga insertion sa 2025 national budget.
Gilayon man ini gindeny ni Sandro Marcos ang mga akusasyon ni Co bilang “fantastical” ukon sala nga alegasyon.
Samtang, gindeny man ni Paolo Duterte nga may ara kuno siya sang “non-existent” nga mga flood control project sa ila distrito, kabaliskaran sa alegasyon ni House Deputy Minority Leader kag ACT Teachers Party-list Rep. Antonio Tinio.
Nahibaluan nga nagbuya sang pahayag si Duterte nga ang tagsa ka flood control project sa Davao kag Matina Rivers natuman, na-inspeksyon, kag na-validate sang Department of Public Works and Highways (DPWH) kag sang Commission on Audit (COA).
