Rep. Terry Ridon, gin-hingyu si VP Sara Duterte nga i-eksplikar ang ginapahayag P50 Million “wealth gap” sini

Nag-request si BICOL Saro party‑list Rep. Terry Ridon kay Vice President Sara Duterte nga eksplikar ang ginapahayag P50 Million “wealth gap” sini.

Sa isa ka press conference, ginplastar ni Ridon nga miyembro man sang House Committee on Justice ang posible nga pagpangayo sang amo nga komitiba sang financial documents ni Duterte nahanungod sa proceedings sang iya impeachment complaints.

Gintuad man ni Ridon nga sarang ang mga ini nga magpangayo sang subpoena para sa income tax returns kag business records ni VP Duterte agud nga i-eksplikar ang ginapahayag P50-million “wealth gap” sa tunga sang iya estimated government salary kag declared net worth.

(SARA)

Dugang pa ni Ridon nga posible i-request sang House Committee on Justice ang SALNs, bank records, income tax returns, kag SEC registration sang tanan nga negosyo sang pamilya Duterte-Carpio agud mahibaluan ang ginahalinan sang makaduluda nga manggad sang mga ini nga suno kay Ridon ang gulpiyada nga nagtaas sa nagliligad nga mga tuig.