ILOILO CITY – Ginkasubo ni Iloilo City Rep. Jerry Treñas ang pagpahalin ni Mayor Jose Espinosa III sa pila ka mga executive assistants sa Iloilo City Hall nga kilala nga mga tawo sang mamalidha.
Sa interview sang Bombo Radyo, ginpahayag ni Treñas nga nakalab-ot na sa iya ang impormasyon apang wala man sa mga ginpahalin ang nagpakig-angot sa iya.
Kuntani suno sa mamalidha, wala na maglab-ot sa ini nga punto.
Suno kay Treñas, mga supporters nila ni Espinosa ang mga tawo nga ginpahalin sang alkalde.
Madugay na ang mga ini nga nagaserbisyo sa siyudad suno sa mamalidha, kun sa diin mangin sa ti-on ni anay Mayor Jed Mabilog, nagserbisyo ang mga ini.
Ginpahayag sang kongresista nga wala siya makahibalo sang rason kun nga-a ginpapili gid ni Mayor Espinosa ang ila mga tawo.
Gin-athag man ni Congressman Treñas nga wala pa ini sang pinal nga desisyon kag sa proseso pa lang ini sang konsultasyon para sa iya plano sa 2019 elections.