Nanindugan si House prosecutor Bel Zamora nga ang ginapahayag mga armas ni Vice President Sara Duterte ang dapat sini nga nabutang sa iya Statement of Assets, Liabilities and Net Worth (SALN).
Kasunod ini sang pagkwestyon sang pila ka mga senator-judges sa pagtestigo ni Police Maj. Jerickson Sangalang, hepe sang Philippine National Police-Firearms and Explosives Office (PNP-FEO), sa ika-30 nga adlaw sang impeachment trial batok kay VP Sara may kaangtanan sa Article II ukon unexplained wealth.
Ginpakigbahin ni Jerickson nga nagapanag-iya sang 14 pistols, duha ka revolvers,lima ka rifles, kag isa ka shotgun ang bise presidente nga ginabulubanta yara sa ₱2.18 million pesos ang kabug-usan nga balor.
Ang bana naman sang bise presidente nga si Atty. Manases Carpio ang may ara sang 29 ka firearms nga nagabalor P5 million. Kabahin diri ang 16 pistol, duha ka revolver, isa ka shotgun, 10 rifle, isa ka Class A light weapon, kag isa man ka expired firearm
Sa kabug-usan, yara sa P7 million nga balor sang armas ang yara sa paghinakop sang mag-asawa nga Duterte.
Pahayag ni Zamora, importante ang pagpresentar sang nasambit nga police personnel bangud ginpamatud-an sini nga may mga armas ang bise presidente nga wala sini nabutang sa iya nga SALN.
