Ginkwestyon ni Lanao del Sur Representative Zia Alonto Adiong ang pahayag ni Vice President Sara Duterte nga indi siya luwas sa pungsod kag nabalaka para sa seguridad sang iya pamilya.
Gintawag ni Adiong nga “ironic” ang pahayag sang bise presidente bangod nagaatubang ini subong sang tatlo ka kaso nga grave threats nga may kaangtanan sa pagpamahog batok kanday President Ferdinand Marcos Jr., First Lady Liza Araneta-Marcos kag anay House Speaker Martin Romualdez.
Suno kay Adiong, kun may aktuwal nga pamahog batok kay Duterte, dapat ini i-report sa pulisya ukon sa National Bureau of Investigation kag magpresentar sang ebidensya agud maimbestigaran.
Sa matandaan nga nakapiyansa na si Duterte sang 360 thousand pesos matapos magpagwa sang warrant of arrest ang korte sa Quezon City batok sa iya.
Ginpahayag naman sang Philippine National Police ukon PNP nga padayon nila nga gina-monitor ang sitwasyon kag ginasiguro ang seguridad sang bise presidente.
