Ginpasakaan na sang kaso sang Leganes Municipal Police Station ang isa ka repatriated Overseas Filipino Worker nga ginapahayag nagpalagyo sa quarantine facility sa banwa.
Sa interview sang Bombo Radyo kay Leganes Mayor Vicente Jaen II, iya ginpahayag nga santo sa iya nabaton nga impormasyon, nagpauli sa ila balay ang repatriated OFW sa diin wala ini nakalisensya sa assigned personnel sa quarantine facility.
Samtang suno naman kay PCapt. Roy Tayona, hepe sang Leganes PNP, tatlo ka kaso ang ila ginfile sa amo nga OFW lakip na diri ang paglapas sa Article 151 ukon Disobedience in Authority, paglapas sa Bayanihan to Heal as One Act kag paglapas man sa Republic Act 11332 ukon Mandatory Reporting of Notifiable Disease and Health events of Public Health Concern.
Liwat man nga nagpanawagan ang hepe sa mga locally stranded individuals kag repatriated OFWs nga sundon ang protocol sang Inter-Agency Task Force kag sang banwa sang Leganes
