GUIMBAL, ILOILO– Ginkalipay sang isa ka Overseas Filipino Worker nga nakapauli na siya sa Guimbal, Iloilo.
Sa interview sang Bombo Radyo kay Cyrene De los Reyes, isa ka repatriated Overseas Filipino Worker nga nagpauli kahapon, Mayo 9, iya ginpahayag nga nalipay siya bangud malapit na siya sa iya pamilya.
Suno kay De los Reyes, matalunsay ang ila pagpauli bangud matapos ginkuhaan sang swab sample, ginsugat siya sang tiglawas sang Rural Health Unit gamit ang ambulansa kag gindala sa quarantine facility sa banwa sang Guimbal.
Ginpahayag ni De los Reyes nga maayo ang iya kahimtangan sa quarantine facility bangud manami ang huyop sang hangin, manami ang palibot, secured ang lugar kag nakita niya bisan sa malayo ang iya pamilya.
