ILOILO CITY – Ginamonitor na subong sang Guimaras Provincial Government ang halos 13 nila ka mga repatriated Overseas Filipino Workers nga residente sang ila probinsya.
Sa interview sang Bombo Radyo kay Guimaras Vice Governor John Eduard Gando, iya ginpahayag nga gina monitor na nila subong ang pito ka mga Overseas Filipino Workers nga bag-o lang nag-abot kahapon nga adlaw.
Suno kay Gando, ginpain naman ang bag-o nga batch sang OFW nga nag abot kahapon lang sa mga nauna na nga nakaabot agud malikawan nga malatnan sila sang balatian sa tion nga may magpositibo sa bag-o lang nag-abot.
Dugang sang natungdan, matapos ipaidalom sa 14 ka adlaw nga quarantine mahimo na makapauli sa ila tagsa ka mga puluy-an ang mga OFW.
