Repatriation sang bangkay sang mga OFW sa Saudi Arabia, ma-delay

Ma-delay ang repatriation sang bangkay sang mga Filipinos nga napatay halin sa Saudi Arabia bangud sa pending nga mga dokumento nga kinahanglanon.

Suno kay Department of Labor and Employment Sec. Silvestre Bello III, ang initial deadline nga Hulyo 4 sa pagpa-pauli kuntani sang mga bangkay sang Overseas Filipino Workers ang ginpalawig pa kutob sa madason nga semana.

Ginabanta 282 ka mga bangkay sang Filipino sa Saudi Arabia ang natalana nga pa papuli-on lakip na ang 50 ka mga napatay bangud sa COVID-19.

Nagpalab-ot naman sang pagpakig-unong ang Malacañang sa mga pamilya sang mga napatay nga OFWs.