ILOILO CITY— Ang report sang City Disaster Risk Reduction and Management Office suno kay Iloilo City Mayor Jose Espinosa III ang basehan sang pagdeklarar sang state of Calamity sa syudad.
interview sang Bombo Radyo kay Espinosa, iya ginpahayag nga pagkita niya sang rekomendasyon, ginpasa niya ini sa Sangguniang Panlungsod agud makadeklarar sang state of calamity.
Suno kay Espinosa, kinahanglanon ini sang pumuluyo agud makahatag man sang alibyo sa ginabatyag nga water krisis.
Nasorpresa man siya suno kay Espinosa nga may yara sang natabo nga pagboycott sa sesyon sang Sangguniang Panlungsod may kaangtanan sa nasambit nga deklarasyon.
Ginpanindugan man sang akalde nga kinahanglanon sang pumuluyo ang nasambit nga deklarasyon.
Nagahingyo man ini sa mga konsehal nga ipaiway sa subong ang pamulitika kag isipun ang kinahanglanon sang mga pumuluyo nga naga-agunto sa krisis sa tubig.
