ILOILO CITY — Halos magpakitluoy ang mga residente kag opisyales sang Distrito sang Lapuz, Iloilo City nga dayunon ang rehabilitation sang Budburan Creek agud indi liwat pagbaha-on ang lugar.
Sa interview sang Bombo Radyo kay Punong Barangay Efren Cenayo sang Brgy. Don Esteban, Lapuz, iya ginpahayag nga wala pa sa gihapon matapos ang paghuman sang temporary nga relocation site para kuntani sa informal settlers sang creek agud masugudan na ang rehabilitation.
Suno kay Cenayo, walang kongkreto nga plano para sa amo nga creek bangud sa nagabag-bag-o ang ginaduso nga desinyo nga subong, ginaduso nga pagamayan.
Ginpahayag man ni Cenayo nga may pondo ang proyekto sang kapin P100 million.
Una nga ginreklamo ang Budburan Creek sang mga residente bangud man sa naga-pondo nga tubig kag wala naga-ilig.
