𝗜𝗟𝗢𝗜𝗟𝗢 𝗖𝗜𝗧𝗬 — Ginkalipay sang mga pumuluyo sang Brgy. Don Esteban, Lapuz, Iloilo City bangud liwat nga ginsuguran ang nag-untat nga proyekto nga multipurpose building.
Sa interview sang Bombo Radyo kay Punong Barangay Efren Cenayo, iya ginpahayag nga matapos sini nga nagdesisyon nga ipalab-ot sa city government ang pagpauntat sang proyekto, gilayon nga nagpakig-angot sa iya ang Iloilo City District Engineering agud nga maghatag sang kulang nga kagamitan sang proyekto agud nga mapadayon ang paghuman sini.
Suno kay Cenayo, tuman ang iya nga kalipay nga nabatyagan bangud madugay na nila nga ginahulat nga matapos ang multipurpose agud nga magamit sang mga residente.
Dako naman ang pagpasalamat sang punong barangay sa Bombo Radyo Iloilo bangud nangin instrumento ini agud nga matalupangdan ang proyekto.
Nahibaluan nga sa subong, yara na sa 95% ang completion sang multipurpose building kag posible matapos sa masunod nga bulan.
Ginpondohan naman ang proyekto sang P5 million sang Iloilo City Government.
