𝗜𝗟𝗢𝗜𝗟𝗢 𝗖𝗜𝗧𝗬 —Nagalaum ang mga residente sang Distrito sang Lapuz nga mangin tayuyon na ang implementasyon sang otoridad sa pagbantay sa mga iligal nga naga-park sa lugar.
Ini kasunod man sang ginpatigayon nga pagsinapol kaupod ang Iloilo City Police Office – Traffic Enforcement Unit, Public Safety and Transportation Management Office (PSTMO), Iloilo City Traffic Management Unit (ICTMU), kag Land Transportation Franchising and Regulatory Board (LTFRB).
Sa interview sang Bombo Radyo kay Punong Barangay Arnel Asturias, Presidente sang Association of Barangay Captain (ABC) sang Lapuz, iya ginpahayag nga tuyo nila nga padal-an liwat sang sulat ang mga talatapan kag ahensya nga may ikasarang nga maka-manihar sang mga iligal nga naga-park sa coastline barangay sang Lapuz.
Suno kay Asturias, i-attach niya sa sulat ang kopya sang city ordinance no. 262 agud nga indi na makapamalibad ang otoridad sa pagpanakop sa mga iligal nga naga-park.
Ginpahayag man sini nga masami nga gina-sight lamang nila sa mga iligal nga naga-park amo ang city ordinance no. 298 nga ang multa P300 lamang, kon sa diin, tuman ka gamay nga penalidad para sa mga motorista nga nagalapas sang pagsulundan.
Gin-athag man sang natungdan nga kon ipatuman sang mga talatapan ang city ordinance no. 262, may mas mabug-at ini nga penalidad kon sa diin, mahimo magbayad sang P5,000 para sa first offense ang mga magabayolar.
