Wala sa options ni President Ferdinand Marcos Jr. ang mag-resign kasunod sang mga alegasyon nga ginpangbuy-an sang iya mismo utod nga si Senator Imee Marcos.
Suno kay Communications Undersecretary Claire Castro, ang mga nagapanawagan lamang nga mag-resign si Marcos amo ang mga taga-suporta ni Vice President Sara Duterte agud nga magtaas ang pwesto sini kag magbulos bilang presidente.
Pahayag ni Castro, atubangon ni Marcos kun ano man ang problema sa Pilipinas. Kun sin-o man ang nagagahod subong suno kay Castro, magapabilin lamang sila bilang gahod.
“The President is still working and keeps on working for the country so hindi po option sa administrasyon, sa Pangulo ang pagbibitiw,” suno sa Palace Press Officer.
“Ang Pangulo ay matapang na haharapin kung anuman ang suliranin ng bansa at silang mga nag-iingay, sila ay ingay lamang,” dugang niya.
Matandaan nga sa speech ni Imee sa rally sang Iglesia Ni Cristo (INC) sang Lunes sang gab-i, nagpanawagan ini sa iya manghod nga magpauli na. Ini matapos gin-akusaran sini ang presidente nga isa ka long-time illegal drug user.
Sabat naman ni Castro, ang mga alegasyon ni Imee ang lunsay parte sang naratibo nga nagatuyo nga gub-on ang presidente kag proteksyunan ang iya kaalyado.
“Kitang-kita ninyo na ang Pangulo ang gusto niyang sirain pero ang pinuproteksiyunan niya ay iyong may issue tungkol sa korapsiyon na si Bise Presidente,” suno sa Palace official.
“Hindi man lang niya iningayan ang patungkol sa issue ng confidential funds, hindi rin niya iningayan ang pagpapadala sa dating Pangulong Duterte sa ICC – ang iningay niya dito ay pabor pa mismo sa taong umaming siya ay murderer,” pahayag pa sini.
Dugang niya: “So kita ninyo naman kung saan siya patungo kaya wala siyang gagawin kung hindi isang desperadong aksiyon – sirain ang Pangulo para proteksiyunan ang kaniyang mga kaalyado.”
Wala pa man sang plano ang Malacañang nga mag-file sang kaso batok kay Imee.
Pahayag ni Castro, i-check anay ang tanan nga mga statement sang senadora, kag nakadepende na sa Department of Justice ukon sa Ombudsman kun may tikang sila nga himuon kaangot sa amo nga mga pahayag sang presidential sister.
