BARCELONA, SPAIN – Ginmandu sang Spanish Government ang pagpasirado sang mga restaurant kag bar sa sulod sang 15 ka adlaw sa Barcelona, Spain.
Suno kay Bombo International Correspondent Gail Daylo, ang nasambit nga mga negosyo amo ang ginabasol sang gobyerno kun nga-a nagsaka ang COVID-19 cases sa nasambit nga pungsod.
Ginpahayag ni Daylo nga apisar sini, bukas naman ang mall, grocery stores, eskwelahan kag tourist spots bangud nga indi man masarangan sang gobyerno ang mangin epekto sini sa ekonomiya.
Apisar sini, may pili lang nga fast food chain ang ginpahanugutan nga magtayag sang take-out kag online services.
May kaangtanan naman sa hospital occupancy sang COVID-19 patients, ginpahayag sang natungdan nga ginabanta nga 90% pa ang unoccupied beds apisar nga mataas ang infectious rate.
Bangud sa nagakatabo nga force majeure, ginpatuman ang “ERTE” concept sa Spain kun sa diin may ginahatag nga bulig ang gobyerno para sa mga employer kag empleyado nga naapektuhan sang COVID-19 pandemic.
