Resulta sang forensic examination sa stray bullet sa Mandurriao, Iloilo City, ginahulat pa

MANDURRIAO, IC. – Ginahulat pa ang resulta sang forensic examination ukon ang Integrated Ballistic Information System agud makilal-an ang identidad sang naggamit sang armas nga rason sang stray bullet incident ukon nagtalang nga bala sa Brgy PHHC Block 17, Mandurriao, Iloilo City sa mismo adlaw sang paskwa.

Sa interview sang Bombo Radyo kay Punong Barangay Serio Causing sang Brgy PHHC Block 17 Mandurriao, Iloilo City, iya giinpahayag nga may ginatumod na nga person of interest nga nagpalupok sa lugar.

Nahibaluan nga ginapanag-iyahan sang pamilya ni Aisa Lobo ang balay.

Kun madumduman, nakit-an sa kisame ang buho kun sa diin naglusot ang bala.

Maswerte naman nga wala sang may napilasan sa insidente, apang tuman naman ang trauma nga natuga sini sa ila nga nagaistar sa amo nga balay.

Handa naman nga magpasaka sang kaso ang tagbalay kun sin o ang ginhalinan sang bala.