Ginalauman nga magwa na karon sa gab-i ang resulta sang reverse transcription polymerase chain reaction (RT-PCR) test sang kapin 500 ka indibidwal nga kabahin sang COVID-19 vaccination team sang syudad sang Iloilo.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga gindala man sa swab testing ang mga katapo sang Philippine National Police kag security guards.
Suno kay Treรฑas, ginakahangaw-an nga matapikan man sang COVID-19 ang vaccination team sang syudad bangud exposed ang mga ini sa virus.
Sa pihak sini, tuman ang pagpasalamat sang alkalde sa wala pahuway nga serbisyo sang vaccination team sang syudad apisar tuman kadako ang tyansa nga malatnan ang mga ini sang nasambit nga balatian.
