Ginkumpirma ni Leonard Ellerbe chief sang Mayweather Promotions ang pagtambong ni retired American boxer Floyd Mayweather sa away ni 8th Division boxing champ Manny Pacquiao kag American boxer Keith Thurman.
Madumduman nga masami nga makita sa ringside ang retired boxer sa mga hampang ni Pacquiao kaangay sang away ni boxing champ batok kay Jessie Vargas sa Thomas & Mack Center sang 2016 kag Adrien Broner sang Enero sini lang nga tuig.
Nahibaluan nga nagapabilin nga bukas si Pacquiao kag training consultant Freddie Roach sa rematch batok kay Mayweather matapos ang ulihi nila nga away sang 2015 apang sa subong mas nangin kuntento ang retired american boxer sa iya nga kabuhi sang ini ang nag retiro pagkatapos sang iya ulihi nga away sang 2017 batok sa UFC star nga so Conor McGregor.
Nasaksikan sang fans ang nangin kabuhi ni Mayweather sa iya nga social media kun sa diin nya ginapost ang pictures sang iya byahe sa bilog nga kalibutan.
