MIAGAO, ILOILO – Arestado ang isa retired army bangud sang paghupot sang iligal nga armas sa iya nga balay sa Brgy. San Jose Miagao, Iloilo.
Ang nadakpan amo si Leopoldo Santones II, 60 anyos.
Sa interview sang Bombo Radyo kay Police Captain Joevito Bose, hepe sang Miagao Municipal Police Station, iya ginpahayag nga nakabaton na nga daan sila sang report gikan sa mga kasilingan ni Santones nga nagapalupok ini sang armas kag nagatuga sang kakugmat sa iban.
Narecover sa possession ni Santones ang .45 caliber pistol kag mga bala.
Depensa naman ni Santones, para sa depensa sa kaugalingon ang iya nga armas bangud ginaalegar niya nga may nagapamahog sa iya.
Kaso nga paglapas sa R.A 10591 ukon “The Comprehensive Law on Firearms and Ammunition and Providing Penalties for Violations Thereof” ang atubangon sang nasambit nga retired army.
