ILOILO CITY – Desidido nga magpasaka sang kaso ang retired police batuk kay Police Staff Segreant Federico Macaya Jr. nga nagsipa sang kudal kag nagpamahog sa Zone 4, Sambag Jaro,Iloilo City.
Si Macaya ang nangin kontrobersyal sang nakaligad nga tuig matapos ginsaputi siya ni anay 1st District Congressman Richard Garin kag Guimbal Mayor Oscar Garin.
Sa interview sang Bombo Radyo kay retired Police Chief Master Sergeant Celso Conde, iya ginpahayag nga kuntani gin-istorya lamang ni Macaya sang maayo ang iya nga apo nga si Pio Roy Conde may kaangtanan sa iti sang manok nga ginareklamo sang asawa sang pulis nga mabaho.
Suno kay retired Police Chief Master Sergeant Conde, indi bangud nga pulis si Macaya, may gahom na ini nga magpangguba sang iya nga kudal kag pahugon ang iya nga apo.
Nahibaluan nga si Celso Conde amo ang tag-iya sang balay kag himata sang asawa ni Macaya.
